a min tanto che me ten
a min tanto che me dá
quen queira unha  empanada
que se poña a amasar

-De min nada queres saber?
-pois que lle imos facer!

- Que non me queres falar?
- pois non me fales!

-Que queres que che deixe en paz?
- pois aí quedas!

-Que queres trato comigo?
-pois dío claramente!
e déixate de cafés!

-Que queres contar a túa historia?
-pois cóntaa!

-Que queres contat ata cen?
-pois conta tamén!

-Que queres perderme de vista?
- pois ata logo!

-Que non sabes o que queres?
-pois ti me dirás!

-Que tes medo?
- pois bótate a chorar!

-Que non tes?
- pois adiante!

-Que te estás volvendo virollo?
- a ver, a ver!

-Que che pican os piollos?
- pois raña!

- Que estás doente!
-pois vaite curar!

- Que che doen as moas?
- pois vainas sacar!

- Que che persigue alguén malo?
- pois dálle!

- Que estás feito un lío?
- pois desenlíate

-Que estás todo o día a ouvear?
-pois ladra para variar!

-Que queres nadar?
- pois bótate á auga!

-Que non podes durmir?
-pois conta ovelliñas!

-Que non fas máis que dar voltas?
-pois para a descansar!

-Que tes fame e queres comer?
-pois ala!

-Que queres ser o que eras?
-imposible!

-Que queres dar marcha atrás?
-non se pode!  e que aínda non caíches que aos sitios onde estivemos xa non se pode volver?

-Que non encontras o teu sitio?
-pois invéntao!

-Que tampouco paras na cama?
- pois bótate a correr!

-Que te cansas?
- pois descansa!

-Que queres viaxar?
- pois dá a volta ao mundo!

-Que non queres ir só?
-pois dillo a alguén!

-Que queres ligar con alguén?
- pois faillo saber!

-Que che dá vergoña?
- pois que llo diga da túa parte alguén!

-Que xa non te tes?
- pois tente!

-Que botas en falta alguén?
- pois busca xente!

-Que todos pasa de ti?
-pois pasa ti deles!

-Que non dás con quen falar?
- pois fala comigo!
- pois fala só se o prefires!

-Que non che queda pan fresco?
- pois cómeo reseso!

-Que tes sede?
- pois bebe!

-Que todos te queren mal?
- pois quéreos ti ben, xa verás que amolados quedan!

-Que estás enfadado?
- pois tes dous traballos!

-Que non tes diñeiro?
- pois atraca un banco!

-Que non tes tarxeta do cortinglés?
- pois non vaias alí!

- Que te sentes oprimido?
- pois descomprímete!

-Que te estás volvendo tolo?
- pois dálle corda a un reloxo!
- pois ponte a saltar á corda!
- pois disfrútao!

-Que ris e non podes parar?
- pois non pares!

- Que xa che quedou claro?
- pois que ben!
- pois agardo que te sintas mellor!


A idea comunicativa está extraída dun texto de Manuel Uviedo EL JEFE, que me encantou. Cando a desenvolvín en forma de batería de caixóns paseino bomba, rin moito e decateime que, dado que a risa é terapéutica, a poesía podía ter tamén propiedades medicinais. Que mellor sitio para este texto que un prado cheo de herbas salvaxes?
Agardo que lle sirva a alguén para curar as feridas producidas nos tediosos combates contra os vaqueiros.
Vitaminas para todos!

saraares

saraares <orola45(0)hotmail.com>